اعاني من حالة ارهاق ذهني فظيع

سأصبر حتي يعجز الصبر عي صبري

سأصبر حتي يأذن الله في امري

سأصبر حتي يعلم الصبر اني صابرة علي شئ أمر من الصبر

مبحبش

مبحبش حد يشوف اي دموع في عنيا علشان لا اصعب عليه ولا يزعل عليا
واضحك وكإن الضحكة بجد مش محتاجه طبطبة من حد
ما أنا لو بنكسر من جوايا مش عايزة في نظر الناس اتهد
مبحبش ابان مغلوبه ضعيفة وصورتي في نظر الناس تتهز
ولا حد يشوفني يقول مسكينة ياعيني عليها وملهاش حظ

آهات مريضة

العيا برضه احيانا بيبقي مفيد
تعبت فجأة وربنا حب يوريني اللي بيحبوني بجد لقيت ناس كنت فكراهم قريبين طلعوا.........وناس بعاد لقيتهم مهتمين
ياه علي الدنيا لما بتخليك تقف جنب ناس وقت شدتك انت مش تلاقيهم جنبك
عادي والله مش زعلانه بس الدنيا كده
بس ياريت اتعلم
ياريت

خايفة ليه قوليلي ليه

خايفة اوي عليكي خايفة من اللي جاي خايفة تكوني مش عارفه والا انتي اللي مش عاوزة
دنيتك مليتها بايه وخدتي منها ايه فاكرة نفسك خدتي حاجه لا وحياتك ده بعدك علي ادي ما بتحلمي وفاكرة نفسك خلاص علي اد ماانا خايفة عليكي لما تفوقي وتلاقي وهمك شايل سيفه وبيطلعلك لسانه وبيقولك انااللي كسبت الرهان ياقطة
وترجعي ياقطه من تاني تحلمي وتفتكري انا كده بتخربشي وتفوقي علي ان انتي اصلا معندكيش مخالب لانك اصدق ما يقال عنك انك اليفة مش بتأذي اي حد
ياه كتير اتمنيت ان يكونلك مخالب ويكونلي انا كمان الف مخلب بس للاسف حتي الشراسه والخداع

مش هنقدر عليها
شفتي بقي انا خايفة ليه

ياصاحبتي قصدي ياـــــــــــــــــــــ