الله يحرقك ياحسين انت وامك بصراحه خنقتونيصحيت الصبح وكلي سعادة نايمة كويس ومزقططة وقلت انزل اروح الشغل وقلت تاكسي بقي بسرعة اتأخرت علي صاحبتي المهم لقيت تاكسي قولتله المترو قاللي ماشي ركبت ومفيش خطوتين والا وواحدة وقفته وسألته مدرسه النقراشي الابتدائي قالها ماشي وانا مستعجله راحت ركبت ولقيتها بتنده ياحسين يلا ياواد اركب بسرعة ولقيت حسين بيركب وجنبه امه اللي كتيييييييييييييييييييييرة اوي حسيت انهم قعدوا عليا وبعد حبه قالت للسواق نزلني هنا وبعد كده نزل حسين عند المدرسه اصل حسين عند امتحان وخايف لاحسن ميردوش يدخلوه كل ده والتاكسي واقف وحسين بيأوأ وانا اتخنقت روح ياحسين وحسين يقول لا يمااااااااااامااااااااااااااا انا خايف وانا عاوزة ارميهم الاتنين من التاكسي حسيت اني راكبه ميكروباص المهم علي ما قررت هتعمل ايه كان السواق اتخنق قالها يلا ياستي قالتله طب ثواني انزل الشنطة دي عند ام سيد وعلي ما البرميل اتحرك كنت انا مت من الخنقة ومن الزنقة ونزلت لقيت ابو سيد فاتح محل عصير قصب اسيب الشنطة دي فين ليه رايحة لاخر الشارع سيبيها ورا البنك والا اقولك ورا الثلاجه والسواق يستعجلها وهيه برود الدنيا بس ركبت وبعد حوالي 10 خطوات قالتله بس المدرسه اهي كنت هنفجر فيها وخدتلها كاك دقيق علي ماحموله الاسمنت تنزل والحمد لله وصلت لصاحبتي وركبنا وروحنا الشغل
إلهي مايوقع في طريقكوا حد زييهم ويحرق حسين وامه
4 comments:
لا لا يا ماسة لا
متدعيش على حد بالحرق في النار
طبعا انت مش قصدك
بس خدي بالك الملائكة بتقولك و لك بمثل
فخدي بالك
واستهدي بالله و ادعيلي بالخير
ربنا يكرمك يا رب
:))
ربنا يصلح حالك و يوفقك
تحياتي لك من ماناساس البلد
بس حسين ضحكنا يومها كتير
لو تفتكري
صحيح اتأخرنا بس كفاية رسم ضحكة
والله افتكرتك بتتكلمى عن حسين تانى
تعملى ايه لو ركبتى مع حسين و امه قطر من الاقصر لاسكندرية تلاتاشر ساعة
قلبى معاكى (الله يحرقك ياحسين)...........عمورة اللعيب
Post a Comment