قل لي شيئا

قل لي شيئا يدعو للتفاؤل سيدي حتي تكون متفائلا يجب عليك ان تشعر بالامان ولكن اين الامان قد يكون ضاع او نكون نحن من تعمدنا ضياعه كما تعمدنا ضياع اشياء كثيره في غمرة التوهة التي نعيشها هل يعقل ان نكون بهذا التوهان زمان كانت الحياة حلوة وفاضية ياسلام لو كنت عشت ايام زمان ايام سعد زغلول والملايه واليشمك والطربوش كان زمان فيه حب رغم الاحتلال لكن الواحد كان ليه زعيم كان بيحس انه بيكافح عشان يجيبله حقه ولما الزعيم اتنفي الشعب قام وانتفض لحد ما العفو تم وزعيم الامه رجع يناضل وقتها الشعب ارتاح وشال هم الدنيا لان هناك من يعمل ما يرضيه

اما الان الناس مخنوقه ومحدش عارف يتكلم ولا فيش زعيم تاني زي سعد باشا زغلول او مصطفي كامل او محمد كريم او عمر مكرم والناس الجامده دي لاننا شعب اليف

دلوقتي الواحد بيهرب بيعملوله تمثال وكمان بيستقبلوه استقبال الفاتحين وينسوا العيش والارز والزيت وباقي اللستة الطويله شفتوا يا سادة الغفلة الحياتية التي نعيشها

والبقية في حياتنا