دلنجر

جه علي بالي اصله وحشني
اصله كان صاحبي كان اخويا الصغير بجد كانت دماغه دي جبارة
كان دماغ لما فكرنا نعمل شلة قال لا انا برة الموضوع مش عايز اتربط بناس معينه
وكان ممكن يبعنا علشان طبق مكرونه بس في يوم 19/1/1999 كانوا بيحتفلوا بعيد ميلادي قالنا انه قرر يدخل الشلةوبقينا شلة جامده ليها تجمعات كل يوم سبت نتقابل في فابيني بالمنيل كل يوم 19 في الشهر نتقابل في حديقة النصر بالمنيل
الله كانت احلي ايام حياتي وفاكرة كمان لما اضطرتنا الظروف للسفر للمنيا فبراير 2001 وكان فيه يوم سبت اقترح علي اننا الساعة 12 بليل نولع شمعة ونكلم بعض في سرنا ونتقابل ياااه فاكرة زي ماكان امبارح ولما اتقابلنا بعدها وروحنا اكلنا كشري في وسط البلد وروحنا ومن يومها ما شفتوش
بس كان الوحيد في الشله اللي بيسأل عليا ويقولي كل سنه وانتي طيبه في كل المناسبات اد ايه كنت بفرح لما بلاقيه يكلمني وفجأة انقطعت اخباره ولما سألت عليه قالولي سافر السعودية وتدين وعمل ايميل وسمي نفسه الجليل افتكرته من يومين لما كان القمر بدر افتكرت ضحكته بس الاكتر اللمه وحشتني اوي كانوا حاجه كبيرة اوي في حياتي بس كنا خمسه فاضلالي واحدة هيه اللي معايا لحد دلوقتي ربنا يتم معرفتنا علي خير
بس وحشتني يادلنجر